Böyük Britaniyanın kəşfiyyat cəmiyyəti Yevgeni Priqojinin ölümündən bir il sonra “Vaqner” qrupu və onun liderləri ilə bağlı vəziyyəti təhlil edib.
KONKRET.az xəbər verir ki, müvafiq hesabat Britaniya Müdafiə Nazirliyinin X səhifəsində dərc olunub.
Kəşfiyyat məlumatlarında vurğulanıb edir ki, Priqojin və “Vaqner” qrupunun yaradıcısı Dmitri Utkinin ölümündən sonra qrup getdikcə parçalanır və sağ qalanların çoxu onu tərk edir.
Xüsusilə, onun rəhbərlərindən biri Andrey Troşev Rusiya Müdafiə Nazirliyində, ehtimal ki, Ukraynada hərbi əməliyyatlarda iştirak etmək üçün könüllülər korpusunun hissələrinin formalaşdırılması ilə məşğul olan “Redut” özəl hərbi şirkətdə xidmət etməyə gedib.
“Vaqner” birinci hücum dəstəsinin keçmiş komandiri Aleksandr Kuznetsov indi çeçen xüsusi təyinatlı “Axmat”ın tərkibindədir.
“Vaqner” üçüncü hücum dəstəsinin komandiri Boris Nijevenok 2024-cü ilin mayından “Vostok-V” könüllü dəstəsinə rəhbərlik edib.
Kəşfiyyat rəsmiləri əlavə edib ki, bu və digər keçmiş “Vaqner” liderlərinin ardınca bir çox veteranlar qrupu tərk edib.
Natiq Səlim,
KONKRET.az
