İranda iyul ayının sonlarından bu günə qədər ölkənin Ədliyyə-Məhkəmə Sistemi hər 7 saatda orta hesabla bir məhbusu dar ağacından asıb.
"AzPolitika" xəbər verir ki, bu barədə İran İnsan Haqları Təşkilatı (HRANA) məlumat yayıb.
Məlumata görə, bu ay ərzində ölkə zindanlarında ən azı 106 məhbus edam edilib.
Bildirilib ki, cari ilin əvvəlindən İran həbsxanalarında 15-i qadın olmaqla 388 nəfərin ölüm hökmü həyata keçirilib.
Avqustun 7-də HRANA İranla İsrail arasında gərginliyin artması fonunda ölkədə məhbusların kütləvi şəkildə edam olunması ilə bağlı xəbərdarlıq edib və beynəlxalq ictimaiyyəti İrandakı qətl maşınına təcili diqqət yetirməyə çağırıb.
"AzPolitika.info"
