İranda son bir ay ərzində 100-dən çox insan edam edilib.
“Cebheinfo.az” xəbər verir ki, iyul ayının sonlarından bu günə qədər ölkənin Ədliyyə-Məhkəmə Sistemi hər 7 saatda orta hesabla bir məhbusu dar ağacından asaraq edam edib.
İran İnsan Haqları Təşkilatı HRANA-nın məlumatına görə, bu ay ərzində ölkə zindanlarında ən azı 106 məhbus edam edilib.
Bildirilib ki, cari ilin əvvəlindən İran həbsxanalarında 15-i qadın olmaqla 388 nəfərin ölüm hökmü icra edilib.
Avqustun 7-də HRANA İranla İsrail arasında gərginliyin artması fonunda ölkədə məhbusların kütləvi şəkildə edam olunması ilə bağlı xəbərdarlıq edib və beynəlxalq ictimaiyyəti İrandakı edam maşınına təcili diqqət yetirməyə çağırıb.
