Bakı, 6 dekabr, AZƏRTAC
Qızılca yalnız insanlarda xəstəlik törədən kəskin infeksion xəstəlikdir. Hava-damcı yolu ilə yaxın təmaslar zamanı yoluxma qeydə alınır.
AZƏRTAC xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov nazirliyin rəsmi instaqram səhifəsində “Qızılca” mövzusunda yayımlanan canlı yayımda deyib.
“Qızılca virusu normal otaq temperaturunda iki saat qala bilir. Bu da əhalinin çox olduğu yerlərdə təmas olmasa belə yoluxma ehtimalı yüksəkdir”, - deyə T.Eyvazov bildirib.