“Sumqayıt”dan növbəti transfer

2024/25 mövsümü üçün transfer çalışmalarını davam etdirən “Sumqayıt” daha bir futbolçunu heyətinə cəlb edib. Matc.az xəbər verir ki, Sumqayıt klubu təmsilçisi braziliyalı müdafiəçi Alan Diasla 1+2 illik müqavilə imzalayıb. 25 yaşlı müdafiəçi komandada 5 nömrəli formada çıxış edəcək. Qeyd edək ki, “Sumqayıt” bugünə qədər Rəhim Sadıxov, Fernando Medeiros, Slavişa Radoviç, Nikola Vuynoviç, Sərtan Taşqın və Silvanus Nimelinin keçidini reallaşdırıb.