F-1.az xəbər verir ki, yenizelandiyalı bir il əvvəl AlphaTauri-də zədələnmiş Daniel Rikkardonu əvəz etmiş, Faenza komandasının tərkibində beş yarış keçirmiş və üçüncü cəhddə xal qazanmışdı. Özü də bu, çox çətin şəhər trekinin olduğu və sürücülərin ekstremal fiziki yüklərə dözməli olduğu Sinqapur Qran Prisində baş vermişdi.
Bu mövsüm 22 yaşlı Liam Red Bull və Visa RB-nin ehtiyat sürücüsü vəzifələrini yerinə yetirməyə davam edir, lakin görünür ki, onun bir qədər qeyri-müəyyən vəziyyəti tezliklə dəyişəcək.
“Liam Lousonun karyerasının növbəti mərhələsində nə baş verəcəyi ilə bağlı bəyanatı sentyabrda verəcəyik, – deyə Helmut Marko bildirib. – Hətta rəqiblərimiz onu müvəqqəti icarəyə götürmək istəsələr belə, o bunun üçün əlçatan olmayacaq”.
Görünür, Red Bull-un idman məsləhətçisinin bu ifadəsini belə şərh etmək olar: Louson Avstriya şirkətinə məxsus komandalardan birində yer alacaq. Markonun Red Bull-un gənclər proqramının digər sürücüsü haqqında sözləri də eyni fikrə gətirib çıxarır: “Formula2-də çıxış edən sürücümüz Ayzek Həcər Spada mövsümün dördüncü qələbəsini qazandı. Onun Formula1-ə keçmək üçün birmənalı potensialı var.
Hadisələrin necə inkişaf edəcəyini görəcəyik, amma ona bu və ya digər rol həvalə olunacaq, bu dəqiqdir. Ola bilsin ki, o, Louson kimi, bir il test pilot kimi çalışacaq və simulyatorda işləyəcək”.
Hələlik növbəti il üçün müqavilələr yalnız Red Bull sürücülərində və Yuki Tsunodada (Visa RB) var, lakin son vaxtlar Serxio Peresə qarşı daha çox irad var, ona görə də hər iki komandada istənilən dəyişikliklər mümkündür. Həmçinin Daniel Rikkardo gələn il Formula1-də qalacaq, yoxsa avstraliyalının karyerası dünya çempionatında 14 mövsümdən sonra başa çatacaq?
Louson haqqında vəd edilən bəyanat Red Bull-un kadr tərkibinə müəyyən aydınlıq gətirməlidir.
