Yerdə güclü maqnit qasırğası başladı

TASS: Yer kürəsində güclü maqnit qasırğası başlayıb
Elchi.az xəbər verir ki, yer kürəsində güclü maqnit qasırğası başlayıb. Bu barədə TASS Tətbiqi Geofizika İnstitutunun (FSBI IPG) mütəxəssislərinə istinadən məlumat yayıb.
Hazırda planetin maqnit sahəsində pozulma dərəcəsi G3 – beş göstəricidən ibarət monitorinq şkalasında “güclü”dür.
Qeyd olunur ki, indiki səviyyədə enerji sistemlərində problemlər yarana bilər.
Bir gün əvvəl Phobos mərkəzinin aparıcı mütəxəssisi Mixail Leus bildirmişdi ki, Yer kürəsində G1 sinfinə aid zəif maqnit qasırğası başlayıb. Onun sözlərinə görə, üç gün ərzində proqnozlaşdırılan maqnit qasırğası Moskva vaxtı ilə saat 17:09-dan sonra başlayıb. Leus qeyd edib ki, bu fenomenin zəifləməsini, güclənməsini və ya sonunu proqnozlaşdırmaq mümkün deyil. Sinoptikin sözlərinə görə, çərşənbə axşamı geomaqnit sahəsində zəif pozulmaların təcrid olunmuş dövrləri hələ də davam edəcək və çərşənbə günü Yerin maqnitosferi sakit vəziyyətə qayıdacaq.Şayəstə Hüseynova