Rusiya hakimiyyəti dindirilmələrin əvvəlindən ukraynalı hərbi əsirlərə qarşı işgəncələrdən istifadə edir. Bu təcrübə "geniş və sistematikdir”.
Qaynarinfo xəbər verir ki, bu barədə Niderlandın NOS telekanalına BMT-nin Ukraynadakı İnsan Haqları Monitorinq Missiyasının rəhbəri Daniel Bell bildirib.
Bell qeyd edib ki, ukraynalı hərbi əsirlərin 95%-i Rusiya həbsxanalarında işgəncələrə məruz qalıb. O, Rusiyanın bu hərəkətlərinin hərbi cinayət olduğunu və Cenevrə Konvensiyasının hərbi əsirlərlə rəftarla bağlı 3-cü maddəsinin pozulması olduğunu vurğulayıb.
Avqustun 7-də Ukrayna briqadası komandirinin müavini bildirib ki, Rostov vilayətindəki istintaq təcridxanasında Rusiya hakimiyyəti onun briqadasında xidmət edən ukraynalı hərbi əsirə işgəncə verib və vəhşicəsinə qətlə yetirib.
"Bellin bəyanatları və monitorinq missiyasının Rusiyanın ukraynalı hərbi əsirlərin hüquqlarının pozulmasına dair ilkin hesabatları ISW-nin Rusiyanın işğal olunmuş Ukraynada və ukraynalı hərbi əsirlərə qarşı beynəlxalq insan haqları və humanitar hüququ sistematik şəkildə pozmasına dair uzunmüddətli qiymətləndirmələrinə uyğundur”, - Müharibənin Tədqiqi İnstitutunun hesabatında deyilir.
Nizami Bağırov
