Ermənistanla Azərbaycan arasında qarşılıqlı razılıq əsasında sülh müqaviləsi layihəsindən regional kommunikasiyalarla bağlı maddə çıxarılıb.
Redaktor.az xəbər verir ki, bu barədə TASS-ın müxbirinə Ermənistan Xarici İşlər Nazirliyinin mətbuat katibi Ani Badalyan məlumat verib.
“Qarşılıqlı razılaşma ilə regional kommunikasiyalar maddəsinin bilavasitə sülh sazişi layihəsindən çıxarıldığını qeyd edərək, biz həmçinin vurğulamağı zəruri hesab edirik ki, onların faydalı blokların açılması Ermənistanın təşviq etdiyi gündəliyin və onun regionda sülh və iqtisadi inkişafa baxışının mühüm hissəsi olmaqda davam edir”, -o deyib.
Badalyan həmçinin qeyd edib ki, İrəvanın mövqeyi Ermənistan hökuməti tərəfindən təklif olunan və məlum suverenlik, milli yurisdiksiya, qarşılıqlılıq və bərabərlik prinsiplərinə əsaslanan “Dünyanın kəsişməsi” layihəsində ən yaxşı şəkildə əks olunub.
Qeyd edək ki, Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov bildirmişdi ki, tərəflər Azərbaycanın qərb hissəsini Naxçıvanla birləşdirən marşrut da daxil olmaqla nəqliyyat kommunikasiyalarına dair maddənin sülh müqaviləsi layihəsindən çıxarılması barədə razılığa gəlib.
Bu məsələnin sonrakı mərhələdə həll olunması barədə razılıq əldə olunub.
T.İSMAYIL
