“Los Anceles Leykers” ev oyunlarını keçirdiyi arenanın qarşısında Kobe Brayant və qızı Cicinin şərəfinə heykəl qoyub.
Publika.az xəbər verir ki, heykəl 2020-ci ilin yanvarında vertolyot qəzasında qızı ilə birlikdə ölən keçmiş “Leykers” əfsanəsi üçün planlaşdırılan üç xatirə abidəsindən ikincisidir.
İlk heykəl Brayantın “Toronto Reptors”a qarşı matçda topladığı 81 xalı xatırladan 20 futluq bürünc abidədir. Onun açılış mərasimi bu il fevralın 8-də baş tutub.
