Neftçalada ağır yol qəzası - xəsarət alanlar var

  Neftçalada ağır yol qəzasında 6 nəfər xəsarət alıb.

“Report”un Aran bürosunun məlumatına görə, hadisə Pirətəvan avtomobil yolunda qeydə alınıb.

Belə ki, “Mersedes” markalı iki avtomobil toqquşub, sonra onlardan biri digər minik avtomobilinə çırpılıb.

Qəza nəticəsində Neftçala rayon sakinləri; 1963-cü il təvəllüdlü Qasımova Meyrənisə İdris qızı, 2017-ci il təvəllüdlü Qasımzadə Nuray Baloğlan qızı, 1993-cü il təvəllüdlü Qasımova Nisəxanım Mirtağı qızı, 1988-ci il təvəllüdlü Qasımov Baloğlan İbrahim oğlu, 1972-ci il təvəllüdlü Mehdiyev Emin Həbib oğlu və 1973-cü il təvəllüdlü Zeynalov Lazım Əli oğlu müxtəlif dərəcəli xəsarətlər alıblar.

Yaralılar Neftçala Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.