1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyada göldə tapılan stridiya sahibinə əsl sürpriz yaşadıb. Belə ki, onun içində müxtəlif ölçülərdə 45 mirvari tapılıb.
Oxu.Az-ın "SakhShip" "Telegram" kanalına istinadla verdiyi məlumata görə, xəzinə Saxalindəki Busse gölündə aşkarlanıb.
"Rekordçu ilbiz mirvari ilə dolu idi. 10-cu mirvaridən sonra artıq təəccüblənməyi dayandırdıq", - deyə tapıntının sahibləri bildiriblər.
Eyni zamanda, stridiya yerli sakinləri narahat edib. Onlar bu hadisənin turistləri gölü vəhşicəsinə qarət etməyə daha çox təşviq edəcəkləri barədə qorxularını dilə gətiriblər.
Saxalinlilərin sözlərinə görə, artıq bu gündən gölün sahilləri qonaqları dəniz ilbizi ovuna aparan turizm şirkətlərinin çadırları ilə dolub. Hazırda qiymətli bioresursun çıxarılmasına heç kim nəzarət etmir.
