İtaliya 10 illik fasilədən sonra yenidən Suriyaya səfir göndərməyi planlaşdırır.
"Cebheinfo.az" xəbər verir ki, bunu İtaliya Baş nazirinin müavini və xarici işlər naziri Antonio Tajani açıqlayıb.
Nazir parlamentdəki çıxışında İtaliyanın Suriya ilə diplomatik əlaqələri bərpa etmək niyyətində olduğunu bildirib.
Rusiyanın Yaxın Şərqdəki diplomatik səylərinin qarşısını almaq istədiklərini ifadə edən Tajani İtaliyanın 10 illik fasilədən sonra yenidən Suriyaya səfir göndərməyi planlaşdırdığını bildirib.
Qeyd edək ki, İtaliyanın bu addımı Avropa İttifaqında (Aİ) parçalanmalara səbəb ola biləcək diplomatik addım kimi qiymətləndirilib.
