Əfsanəvi braziliyalı futbolçu Ziko Fransanın paytaxtı Parisdə qarət edilib.
QOL.az "Le Parisien" nəşrinə istinadən xəbər verir ki, Braziliya millisi ilə Yay Olimpiya Oyunlarına yollanan Ziko 500 min avro dəyərində soyğuna məruz qalıb.
Parisdə taksiyə minən keçmiş yarımmüdafiəçinin çantası oğurlanıb. Çantada bahalı saat, nağd pul, müxtəlif zinət əşyaları və bəzi sənədlər olub. Parisin hüquq-mühafizə orqanları hadisə ilə bağlı araşdırmaya başlayıb.
