Formula 1: Oskar Piastri Macarıstanda tarixi zəfərə imza atdı

Bu gün gün Formula 1 üzrə dünya çempionatında 2024-cü il mövsümünün növbəti mərhələsi – 13-cü qran-prisi baş tutub.

Arena.az xəbər verir ki, budəfəki qran-pri Macarıstanda təşkil olunub.

Modyorod şəhərindəki yarışda “Maklaren”nin sürücüsü Oskar Piastri hamıdan sürətli olub. O, 70 dövrəlik yarışı 1:38:01.989 göstərici ilə yekunlaşdırıb. Bu, Piastrinin həm cari mövsümdə, həm də karyerası ərzində ilk qələbəsidir.

İkinci yeri də Oskarın komanda yoldaşı Lando Norris tutub. İlk üçlüyü bundan əvvəlki qran-pridə qalib olmuş Luis Hamilton (“Mersedes”) qapayıb.

Ötən mövsümün çempionu, “Red Bull”un üzvü Maks Ferstappen bu yarışı 5-ci sırada başa vurub.

Beləliklə, 13 turdan sonra 265 xala malik Maks Ferstappen vahid liderdir. Lando Norris 189 xalla 2-ci, Şarl Lekler (“Ferrari”) 162 xalla 3-cü sırada qərarlaşıb.

Mühəndislər Kubokunda da “Red Bull” 389 xalla vahid liderdir. “Ferrari”ni qabaqlayan “Maklaren” 338 xalla ikinci sıraya yüksəlib. “Ferrari” isə 322 xalla üçüncüdür.

Formula 1 üzrə dünya çempionatında 2024 mövsümünün növbəti – 14-cü qran-prisi Belçikada keçiriləcək. Sözügedən yarış iyulun 28-də Stavelot şəhərində baş tutacaq.

Dünya çempionatı, 2024

Pilotların yarışında turnir cədvəli:

1. Maks Ferstappen (Red Bull) – 265
2. Lando Norris (Maklaren) – 189
3. Şarl Lekler (Ferrari) – 162
4. Karlos Sayns (Ferrari) – 154
5. Oskar Piastri (Maklaren) – 149
6. Luis Hamilton (Mersedes) – 125
7. Serxio Peres (Red Bull) – 124
8. Corc Rassell (Mersedes) – 116
9. Fernando Alonso (Aston Martin) – 45
10. Lens Stroll (Aston Martin) – 24
11. Niko Hulkenberq (Haas) – 22
12. Yuki Tsunoda (Rasinq Bulls) – 22
13. Daniel Rikkardo (Rasinq Bulls) – 11
14. Oliver Berman (Ferrari) – 6
15. Pyer Qasli (Alpin) – 6
16. Kevin Maqnussen (Haas) – 5
17. Aleksander Albon (Uilyams) – 4
18. Esteban Okon (Alpin) – 3
19. Jou Quanyu (Zauber) – 0
20. Valtteri Bottas (Zauber) – 0
21. Loqan Sarcent (Uilyams) – 0

Mühəndislər Kubokunda xal sıralaması:

1. Red Bull – 389
2. Maklaren – 338
3. Ferrari – 322
4. Mersedes – 241
5. Aston Martin – 69
6. Rasinq Bulls – 33
7. Haas – 27
8. Alpin – 9
9. Uilyams – 4
10. Zauber – 0