Evləri külə dönən ailə 16 gündür çöldə gecələyir

Evləri yanan ana və oğlu 16 gündür ki, çöldə qalır.

Publika.az xəbər verir ki, söhbət paytaxtın Binəqədi rayonunun Biləcəri qəsəbəsi, Natiq Həşimi küçəsindən gedir. Elza Balabəyovanın evi yandığından iki həftədən çoxdur ki, övladı ilə birgə skamyada gecələyir.

Ailə işıq pulunu ödəyə bilmədiyindən mənzilin elektrik enerjisi ilə təchizatı da yanğından bir neçə gün əvvəl dayandırılıb.

E.Balabəyova rəsmi qurumlara evinin təmir olunması üçün müraciət edib. Ancaq ona bildirilib ki, bunun üçün gərək büdcədən vəsait ayrılsın.

Məsələ ilə bağlı Binəqədi Rayon İcra Hakimiyyətindən bildirilib ki, dəfələrlə ana və uşağa qalmaq üçün sığınacaq təklif olunub. Ancaq onlar bundan imtina ediblər.