İspaniyanın "Capology“ nəşri İtaliya A seriyasının ən çox maaş alan futbolçularının siyahısını hazırlayıb.
QOL.az xəbər verir ki, sıralamaya "Yuventus”un hücumçusu Duşan Vlahoviç liderlik edir. Serbiyalı futbolçu ildə 22,2 milyon avro qazanır.
İkinci yerdə "Napoli"nin ildə 12,8 milyon avro maaş alan hücumçusu Viktor Osimhen qərarlaşıb. "İnter"in yarımmüdafiəçisi Nikola Barella (illik 12,4 milyon avro) əmək haqqı baxımından A seriyasında "3-lüy"ü tamamlayır.
Xatırladaq ki, Vlahoviç “Yuventus”a 2022-ci ilin qışında “Fiorentina”dan keçmişdi.
