Səudiyyə Ərəbistanı Rusiyanın Qərbdəki aktivlərinin müsadirə ediləcəyi təqdirdə Avropa Birliyinin borc qiymətli kağızlarını satacağı ilə hədələyib.
Valyuta.az xəbər verir ki, bu barədə RİA Novosti yazır.
Qeyd olunur ki, Ər-Riyad Qərbə beynəlxalq hüquqa riayət edilməsinin zəruriliyi ilə bağlı “aydın siqnal” verib. Eyni zamanda, Krallığın Maliyyə Nazirliyi cavab tədbirlərini dəstəkləmir.
Departamentin nümayəndələri Bloomberg-ə bildiriblər ki, Səudiyyə Ərəbistanının G7 ölkələri və digər ölkələrlə münasibətləri qarşılıqlı hörmətə əsaslanır, ona görə də qlobal artıma və beynəlxalq maliyyə sisteminin sabitliyinin artırılmasına töhfə verən məsələlər üzrə dialoqlar davam etdiriləcək.
Körfəz ölkələrinin avroya və Aİ qiymətli kağızlarına ümumi investisiyaları təxminən 15,1 milyard avro təşkil edir. Qalan 18-i qızıldır.
Bloomberg yazıb ki, Səudiyyə Ərəbistanı 2024-cü ilin əvvəlində G7 ölkələri Rusiya Federasiyasının dondurulmuş 300 milyard dollara yaxın aktivlərini müsadirə etmək qərarına gəlsə, bəzi Avropa borclarını sata biləcəyinə özəl olaraq “eyham” edib. Agentliyin mənbələrinə görə, Krallığın Maliyyə Nazirliyi bəzi G7 ölkələrinə Kiyevə kömək etmək üçün Rusiya aktivlərindən istifadə ideyası ilə razılaşmadığını bildirib. Mənbələrdən biri bunun üstüörtülü təhdid kimi səsləndiyini vurğulayıb, çünki Ər-Riyad xüsusi olaraq Fransa Xəzinədarlığı tərəfindən verilən borcları qeyd edib.
Nicat
