Yayımlandı: 14 İyul 2024 10:21 Prezidentliyə namizədin qulağından yaralandığı bildirilir İyulun 13-də seçicilərlə görüşü zamanı ABŞ prezidentliyinə namizəd Donald Trampa atəş açılıb.“Reuters”in yazdığına görə, Donald Tramp qulağından yaralanıb. Hadisə Pensilvaniya ştatının Butler şəhərində baş verib. Bildirilir ki, Respublikaçılar Partiyasının prezidentliyə namizədinə atəş açan şəxs öldürülüb, həmçinin, sui-qəsd zamanı bir mitinq iştirakçısı da həlak olub. “78 yaşlı Tramp çıxışına yenicə başlamışdı ki, atəş səsləri eşidildi. O, sağ əli ilə sağ qulağını tutdu, sonra əlini aşağı saldı və ona baxdı, Məxfi Xidmət agentləri onu əhatəyə almazdan əvvəl səhnənin arxasında diz çökdü. Tramp təxminən bir dəqiqə sonra ortaya çıxdı, qırmızı “Amerikanı yenidən möhtəşəm et” yazılmış şlyapası yerə düşdü və sonra agentlər onu avtomobilinə çatdırdılar”,-deyə “Reuters” yazıb. Federal Təhqiqatlar Bürosunun (FTB) Donald Trampın mitinqində baş verən atışmanı sui-qəsd cəhdi kimi araşdırdığı qeyd olunub. CNN mənbələrə istinadən xəbər verir ki, FTB atəş açan şübhəlinin, Pensilvaniya ştatından olan 20 yaşlı gəncin kimliyini müəyyən edib. Donald Trampın rəqibi, hazırkı Prezident Co Bayden hadisəni pisləyib: “Amerikada bu cür zorakılığa yer yoxdur. Biz bunu qınamaq üçün bir millət olaraq birləşməliyik”. Bu, 1981-ci ildə Respublikaçı prezident Ronald Reyqanın həyatına sui-qəsd cəhdindən sonra ABŞ prezidentinin və ya əsas partiyanın namizədinin ilk güllələnməsidir. 78 yaşlı Donald Tramp 2017-2021-ci illərdə ABŞ-nin prezidenti olub. O, noyabrda keçiriləcək 60-cı prezident seçkilərinə yenidən qatılıb. Meydan TV
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
