“Səbail” Türkiyədə ilk yoxlama oyununu keçirəcək

Türkiyənin Ərzurum şəhərində təlim-məşq toplanışında olan “Səbail” bu gün ilk yoxlama oyununu keçirəcək. 

Bizim.Media xəbər verir ki, Şahin Diniyevin baş məşqçisi olduğu komanda qardaş ölkənin I Liqa təmsilçisi “Ərzurumspor”la üz-üzə gələcək. 

Qarşılaşma Bakı vaxtı ilə saat 17:00-da start götürəcək. İyulun 13-də Superliqa klubu “Hatayspor”la qarşılaşacaq “dənizçilər”in sonuncu rəqibi hələlik bəlli deyil. 

Rəşad Rafiqoğlu, Bizim.Media