Azərbaycan Dövlət İnformasiya Agentliyi
DÜNYA
“Titanik” filminin prodüseri Con Landau vəfat edib
07.07.2024 [17:34]
A+ A-
“Titanik” filminin prodüseri Con Landau vəfat edib
Stokholm, 7 iyul, Nərgiz Cəfərli, AZƏRTAC
“Oskar” mükafatı laureatı prodüser Con Landau xərçəng xəstəliyindən vəfat edib.
Viral.az xəbər verir ki, bu barədə “Variety” nəşri yazıb.
63 yaşlı Landau rejissor Ceyms Kemeronla bütün dövrlərdə ən çox gəlir gətirən üç filmdə əməkdaşlıq edib – “Oskar” qazandığı “Titanik” (1997), “Avatar” (2009) və “Avatar: Suyun Yolu” (2022).
29 yaşında Con “20th Century Fox” kinoşirkətinin vitse-prezidenti olub və burada o, “Qüdrətli Rencerlər”, “Mogikanların sonu” və “Həqiqi yalan” kimi filmlərə rəhbərlik edib. Onun Ceyms Kemeronla uzunmüddətli əməkdaşlığı məhz buradan başlayıb.
“Con üzərində işlədiyi layihələrə misilsiz ehtiras gətirib və onun təsiri hələ illər boyu ilham verməyə davam edəcək”, – deyə “Üzüklərin hökmdarı” filminin rejissoru Piter Cekson bildirib.
