“Qarabağ”ın UEFA Çempionlar Liqasının II təsnifat mərhələsində keçirəcəyi cavab oyununun vaxtı məlum olub.
Sportal.az UEFA-nın rəsmi saytına istinadən xəbər verir ki, qarşılaşma iyulun 30-da Bakıda baş tutacaq. Tofiq Bəhramov adına Respublika Stadionunda reallaşacaq görüş saat 20:00-da start götürəcək. Ağdam təmsilçisi ilk oyunu səfərdə keçirəcək.
Qeyd edək ki, "Qarabağ" bu mərhələdə “Hamrun Spartans” (Malta) – “Linkoln” (Cəbəllütariq) cütünün qalibi ilə üz-üzə gələcək.
