Böyük Britaniyanın baş naziri Keir Starmer Devid Lemmini yeni Leyboristlər hökumətində xarici işlər naziri təyin edib.
"Operativ Media" xəbər verir ki, bu barədə Dauninq-strit 10 ofisinin açıqlamasında bildirilir.
Lemmi Starmerin komandasına 2020-ci ildə Leyboristlər Partiyasının lideri seçildikdən dərhal sonra qoşulub. O, 2020-2021-ci illərdə kölgə ədliyyə katibi vəzifəsində çalışıb, bundan sonra ona kölgə xarici işlər katibi portfeli verilib.
51 yaşlı Lemmi 2000-ci ildən Britaniya Parlamentinin İcmalar Palatasında doğulub boya-başa çatdığı Londonun şimalındakı Tottenhem seçki dairəsini təmsil edib.
O, hökumətdə ilk təcrübəsini Baş nazir Toni Bleyerin dövründə qazanıb. Onun dövründə, xüsusən də 2005-2007-ci illərdə krallığın Mədəniyyət Nazirliyinin rəis müavini vəzifəsində çalışıb. Leyboristlərin sonuncu Baş naziri Qordon Braunun kabinetində Lrmmi təhsil nazirinin müavini vəzifəsində çalışıb (2008-2010).
