Avropa İttifaqı Rusiya prezidenti Vladimir Putinlə rəsmi əlaqələri istisna edir. Aİ Şurasına sədrlik edən Macarıstanın baş naziri Viktor Orbanın Moskvaya səfəri zamanı Aİ-ni təmsil etmək hüququ yoxdur.
Yenisabah.az xəbər verir ki, bunu Aİ-nin diplomatik nümayəndəsi Josep Borrell bildirib.
Onun sölərinə görə, bu səfər yalnız ikitərəfli münasibətlər çərçivəsində baş tutub.
"Baş nazir Orban Aİ Şurasından Moskvaya səfər etmək üçün heç bir mandat almayıb", - deyə Borrell yazıb.
O vurğulayıb ki, Aİ-nin Rusiyanın Ukraynadakı müharibəsi ilə bağlı mövqeyi Aİ ilə Putin arasında rəsmi təmasları istisna edir:
“Macarıstanın baş nazirinin Rusiyaya səfəri müstəsna olaraq Rusiya Federasiyası ilə Macarıstan arasında ikitərəfli münasibətlər çərçivəsində həyata keçirilir”.
Telegram kanalımız