İyulun 4-də səhər saatlarında Rusiyanın Stavropol diyarında pilotsuz təyyarələr Baş Kəşfiyyat İdarəsinin (QRU) hərbi hissəsinə hücum edib. Bir rusiyalı kəşfiyyatçı yaralanıb.
Editor.az bildirir ki, bu barədə ASTRA mənbələrə istinadən xəbər verir. “QRU-nun Moskva kəndlərinin birində yerləşən 33443 saylı xüsusi təyinatlı hərbi hissəsinə (Osnaz) iki pilotsuz təyyarə hücum edib.
Onlardan biri partlayıb, bir kəşfiyyatçı yaralanıb”, – məlumatda deyilir. Eyni zamanda, yerli hakimiyyət orqanları İzobilnenski rayonunun Moskovskoye kəndində “iki pilotsuz təyyarənin düşdüyünü” də bəyan ediblər: İnfrastruktur zədələnməyib. Bütün sistemlər normal işləyir”, – məlumatda deyilir.
//Samir Qurbanov, Editor.az