“Biz Ermənistanla Azərbaycan arasında nəqliyyat kommunikasiyalarının açılması məsələsində konstruktivik”.
Yeniavaz.com xəbər verir ki, bunu Ermənistanın xarici işlər naziri Ararat Mirzoyan Tbilisidə gürcüstanlı həmkarı ilə birgə mətbuat konfransında deyib.
“Biz hesab edirik ki, kommunikasiyanın açılması təkcə Ermənistan və Azərbaycan üçün deyil, bütün region ölkələri və hətta daha geniş region üçün iqtisadi fayda verə bilər. Üstəlik, biz inanırıq ki, bu proqram və kommunikasiyanın açılması sülhün bərqərar olmasına töhfə verən əlavə amil olacaq”, - Mirzoyan bildirib.