Uttar Pradeş ştatında dini toplantıda izdiham nəticəsində 121 nəfər ölüb, 28 nəfər yaralanıb. Bu barədə yerli polis jurnalistlərə məlumat verib.
QHT.az xəbər verir ki, dini vaiz Bhole Baba ilə görüşə 50 min insanın gəldiyi faciə yerində kriminoloqlar və məhkəmə ekspertləri işləyir. Hadisənin təşkilatçılarına qarşı iş açılıb. Polis fövqəladə vəziyyətdən sonra yoxa çıxan moizəçinin özünü axtarır. Onun xeyriyyə fondu Ram Kutir və evində axtarış aparılıb. İzdiham Baba öz tərəfdarlarının toplantısından çıxarkən başlayıb. İnsanlar ehtiram əlaməti olaraq ayaqlarına toxunmaq üçün onun arxasınca qaçırdılar. Onların çoxu yerə yıxıldı. Vaizin mühafizəçiləri onun avtomobili uzaqlaşana qədər hadisə yerindən çıxışı bağlayıblar. Bu müddət ərzində özlərini yerdə tapan insanlar izdiham tərəfindən əzilib.