Gürcüstanda döyüş təyyarəsi qəzaya uğrayıb, pilot ölüb

Gürcüstan ordusuna məxsus Su-25 tipli döyüş təyyarəsi təlim uçuşu zamanı qəzaya uğrayıb. Qəza nəticəsində pilot ölüb.
Elchi.az xəbər verir ki, Gürcüstan Müdafiə Nazirliyindən verilən yazılı açıqlamada bu gün keçirilən hərbi təlim zamanı Gürcüstan Müdafiə Qüvvələrinə məxsus təyyarələrdən birinin qəzaya uğradığı bildirilib.
Qəza nəticəsində bir pilotun öldüyü bildirilən açıqlamada aşağıdakılar qeyd olunub:
“Su-25-in qəzası nəticəsində Müdafiə Qüvvələrinin Aviasiya və Hava Komandanlığının pilotu Kaxaber Zurabaşvili faciəvi şəkildə həyatını itirib. Hadisənin müəyyən edilməsi məqsədilə nazirliyin müvafiq qurumları tərəfindən ətraflı araşdırma aparılır. sözügedən hadisənin səbəbləri”.
Açıqlamada qəza nəticəsində həlak olan pilotun ailəsinə və yaxınlarına başsağlığı verilib.
Gürcüstan mətbuatında çıxan xəbərlərə görə, təyyarə Gürcüstanın Kvemo Kartli bölgəsinin Bolnisi bələdiyyəsində qəzaya uğrayıb.Şayəstə Hüseynova