"Kiyev Moskva ilə yalnız yayın sonuna qədər dialoq apara bilər".
Sfera.az xəbər verir ki, bunu rusiyalı politoloq Yuri Kot deyib. O, buna səbəb kimi Ukraynada yeganə legitim hökumətin - Ali Radanın- səlahiyyət müddətinin avqustun 28-də başa çatdığını göstərib.
“Bu müddətin uzadılması üçün prezident Milli Təhlükəsizlik Şurası vasitəsilə müvafiq müraciət təqdim etməlidir. Qanunsuz prezident necə bir şey təqdim edə bilər? Müvafiq olaraq, yayın sonuna qədər Rada qeyri-legitim olacaq. Sonra nə olacaq?", – politoloq bildirib.
"Bununla belə, Kiyev danışıqlar əvəzinə növbəti əks-hücuma hazırlaşmağa davam edir ki, bu da yenə uğursuzluqla nəticələnəcək", - Kot əlavə edib.
Xatırladaq ki, iyunun 30-da Zelenski "Philadelphia Inquirer"ə müsahibə verib və orada vasitəçilər vasitəsilə Rusiya Federasiyası ilə danışıqların mümkünlüyünü etiraf edib.
"Bəzi məsələlərin güllə ilə deyil, bu və ya digər dialoq formatı ilə həll olunacağı bir sənəd hazırlamaq olar”, - Ukrayna lideri qeyd edib.
Əzizə Zeynal
