1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Nar" komandası beş ay davam edən gərgin mübarizə nəticəsində "Breyn Rinq" yarışmasının 23-cü mövsümündə qalib gəlib. Ümumilikdə "Breyn Rinq" intellektual yarışmasının bu mövsümündə 20 komanda iştirak edib. "Nar" finalda "Gəncə" komandasını 2:0 hesabı ilə məğlub edib. Qeyd edək ki, "Nar" komandası dördqat Azərbaycan çempionu və mobil operatorun təsis etdiyi "Nar" kubokunun altıqat qalibidir.
"Nar" Korporativ Sosial Məsuliyyət strategiyası çərçivəsində intellektual oyunları dəstəkləyir. Mobil operator 10 ildən artıqdır ki, "Breyn Rinq" intellektual yarışmasının əsas tərəfdaşıdır. Bu tərəfdaşlığın məqsədi ölkədə təhsil təşəbbüslərini təşviq etməkdir. "Nar"ın gerçəkləşdirdiyi layihələr haqqında ətraflı məlumatı nar.az saytından əldə edə bilərsiniz.
"Nar" hal-hazırda 2,2 milyon abunəçiyə yüksək keyfiyyətli rabitə xidmətləri göstərməkdədir və son 5 ildə Müştəri Loyallığı İndeksinə görə ölkədə liderdir. Mobil operator müştəriyönümlülük strategiyasına sadiq qalaraq sərfəli qiymət qarşılığında üstün xidmət təqdim edir.
