“Qalatasaray” bu futbolçunun transfer hüququnu aldı

"Qalatasaray" "Çelsi"dən icarəyə götürdüyü Hakim Ziyeşlə bağlı qərar verib. 

Bizim.Media xəbər verir ki, İstanbul təmsilçisi mərakeşli vingerin transfer hüququna yiyələnib. Bu barədə klubun mətbuat xidməti məlumat yayıb. "Sarı-qırmızılar" Ziyeş üçün İngiltərə klubuna təzminat ödəməyib.

31 yaşlı futbolçu ilə 1+1 illik müqavilə imzalanıb. Təcrübəli ön xətt oyunçusunun illik maaşı 2,8 milyon avro olacaq.

Qeyd edək ki, Hakim Ziyeş ötən mövsüm "Qalatasaray"ın heyətində meydana çıxdığı 23 rəsmi matçda 8 qol və 4 məhsuldar ötürmə ilə yadda qalıb.

Rəşad Rafiqoğlu, Bizim.Media