ABŞ ordusu “Lockheed Martin” şirkətinə “Patriot” hava hücumundan müdafiə sistemləri üçün 870 raket istehsalı ilə bağlı 4,5 milyard dollarlıq müqavilə imzalayıb.
Yeniavaz.com xəbər verir ki, bu barədə Amerika silahlı qüvvələrinin bəyanatında qeyd edilib.
Sənədə görə, müqavilədə 870 PAC-3 MSE raketlərinin və müvafiq avadanlıqların alınması nəzərdə tutulub.
Bəyanatda iddia edilir ki, PAC-3 MSE raketləri taktiki, qanadlı, hipersəs raketləri və təyyarələr daxil olmaqla təhlükələrə qarşı effektlidir.
Müqavilənin müddəti 2027-ci il 30 iyuna qədərdir.