Qısamüddətli geomaqnit qasırğası gözlənilir

Son yeniləmə: 28 İyun 2024 17:42 BAYRAQDAR MEDİA – Bakı Dövlət Universitetinin (BDU) Astrofizika kafedrası qısamüddətli geomaqnit qasırğasının olacağını müəyyən edib.Bu haqda xəbər BAYRAQDAR MEDİA-ya BDU-nun mətbuat xidmətindən daxil olub.Xəbərdə bildirilir ki, “hazırda Günəş aktivliyi aşağı səviyyədədir, bir neçə oblastda Yerə demək olar ki, təsiri olmayan C sinif alışmalar olub. Günəşin diskinin cənub-qərb kənarında 27 iyun tarixində tac kütlə atılması müşahidə olunub. İyulun 1-də gecə saatlarında bunun Yerə zəif təsiri proqnozlaşdırılır”.BDU-nun Bakı Fizika fakültəsinin Astrofizika kafedrasının məlumatına görə, geomaqnit sahə ümumiyyətlə sakit səviyyədə olacaq, 28-29 iyun tarixlərində qeyri-stabil hala keçəcək, iyunun 30-dan sakit səviyyəyə qayıdacaq. Geomaqnit aktivliyi göstərən Kp əmsalı 29 iyun tarixində sübh saatlarında 3-4,8 intervalında dəyişəcək, saat 10.00-dan sonra isə 1,5-2,5 intervalında stabilləşəcək.