Bakı şəhərindəki I Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Yasin Şakir oğlu Əbdürəhmanovun meyitinin qalıqları Ağdaş rayonuna gətirilib.
Missiya.Az “Report”-a istinadən xəbər verir ki, şəhidin nəşi Ağdaş rayonunun Qaracan-Şıxlar kəndində ailəsinə təhvil verilib.
Hazırda şəhidlə vida mərasimi keçirilir.
Qeyd edək ki, Yasin Şakir oğlu Əbdürəhmanov 1972-ci dekabrın 23-də Ağdaş rayonunun Qaracan-Şıxlar kəndində anadan olub. O, 1992-ci il iyulun 19-da Ağdərə rayonunun Aterk kəndində itkin düşüb.
Y.Əbdürəhmanov Qaracan-Şıxlar kənd qəbiristanlığında dəfn olunacaq.