Şair- ədəbiyyatşünas Sərvaz Hüseynoğlunun tanınmış şair Fəxrəddin Teyyubun yaradıcılığını müxtəlif yönlərdən incələyən ,, Yaşıl xatirədir ömrün hər anı''' adlı kitabı nəşr olunub.
Elmi- publisistik və bədii üslubun qovşağında qələmə alınan araşdırmada Fəxrəddin Teyyub yaradıcılığının poetik imkanları, özünəməxsus ifadə tərzi, mövzu əlvanlığı yetərincə incələnir.
Ən əsası, S. Hüseynoğlu qələm dostunun yaradıcılığından seçmələri olduqca pünhan bir sevgi unudlmazlığı, eşqin ölməzliyi fonunda təhlilə cəlb edib.
Gətirilən, təhlilə cəlb edilən nümunələri sevən bir qəlbin səmimi etirafları izləyir.
Bu, ədəbi araşdırma təcrübəsində bir ilkdi və hər iki müəllifin duyğusal düşüncələrinin bənzərsiz, iç - içə yaşantılarıyla həmahəngdi.
