Paris Apellyasiya Məhkəməsinin yazılı açıqlamasında, Fransa Milli Terrorla Mübarizə Prokurorluğunun (Pnat) Əsədə qarşı çıxarılan həbs qərarının “Əsədin təqibdən toxunulmazlığı” səbəbindən etibarsız sayılması tələbi ilə verilən ləğv ərizəsi rədd edilib və həbs qərarı təsdiqlənib.
Açıqlamada bildirilib ki, istintaq çərçivəsində “kimyəvi silahdan istifadənin qadağan edilməsi məcburi norma kimi beynəlxalq hüququn bir hissəsidir və bu cinayətlər Baş Qərargah rəisinin rəsmi vəzifələrindən sayıla bilməz”. Suriya Əsədi bu cinayətlərə görə mühakimə etməyəcək və rejim liderinin şəxsi toxunulmazlığından imtina etməyəcək."
Bəyanatda işin istintaq hakimlərinə qaytarılacağı və zərurət yaranarsa, prokurorluğun Ali Məhkəməyə müraciət etmək üçün 5 gün müddətinin olduğu da bildirilib.
2023-cü ilin noyabrında məhkəmə Əsədi 2013-cü ildə Şərqi Qutada kimyəvi hücumlarda insanlığa qarşı cinayətlərdə və hərbi cinayətlərdə iştirakda ittiham edib və Əsədin həbsinə order verib.
Haqqında həbs qərarı çıxarılanlar arasında Əsəd, onun qardaşı, Suriya ordusunun 4-cü diviziya komandiri Mahir Əsəd və rejim generalı da var.
Mövsüm
Aznews.az
