Xalq artisti Mənsum İbrahimov Mədəniyyət naziri Adil Kərimov və həmkarı Xalq artisti Alim Qasımovla birgə Özbəkistanın Zomin şəhərinə yollanıblar.
Bizim.Media xəbər verir ki, bu haqda M.İbrahimov sosial şəbəkə hesabında məlumat yayıb.
Xalq artisti səfərin məqsədinin sözügedən şəhərdə sabah keçiriləcək Beynəlxalq Muğam festivalı ilə əlaqədar olduğunu bildirib.
Mənsum İbrahimov nazir və həmkarı ilə birgə çəkilən xatirə fotolarını izləyiciləri ilə bölüşüb.
Xanəndə həmçinin əlavə edib ki, mədəniyyət naziri və Alim Qasımov festivalda onunla birgə fəxri qonaqlar qismində iştirak edəcəklər.
Rəşad Əliyev, Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
