Kiyev, 26 iyun, AZƏRTAC
Prezident Volodimir Zelenski Ukraynada Pilotsuz Sistemlər Qüvvələrinin yaradılması haqqında Milli Təhlükəsizlik və Müdafiə Şurasının qərarını təsdiq edən Fərman imzalayıb.
AZƏRTAC xəbər verir ki, bu barədə Ukrayna Prezident Ofisinin saytında məlumat verilib.
“Ukrayna Milli Təhlükəsizlik və Müdafiə Şurasının “Ukrayna Silahlı Qüvvələrinin strukturunda ayrıca qüvvə növü kimi pilotsuz sistemli qoşunların yaradılması haqqında” qərarı qüvvəyə minsin”, - deyə Fərmanda deyilir.
Bu sənəd dərc edildiyi gündən qüvvəyə minir.
Emil Hüseynli
AZƏRTAC-ın xüsusi müxbiri
Kiyev
