"Roma" baş məşqçisi Daniele De Rossi ilə müqaviləsini uzadıb.
QOL.az xəbər verir ki, bu barədə klubun saytı məlumat yayıb. 40 yaşlı mütəxəssislə sözləşmə 2027-ci ilin yayına qədər nəzərdə tutulub.
Xatırladaq ki, De Rossi bu vəzifədə portuqaliyalı məşqçi Joze Mourinyonu əvəzləyib. O, 2024-cü il yanvarın 16-dan “Roma”nın baş məşqçisi vəzifəsini icra edir. Bu müddət ərzində “Roma” bütün turnirlərdə 26 görüş keçirib, 14 dəfə qalib gəlib, 6 dəfə heç-heçə edib və 6 dəfə məğlub olub.
İtaliya A seriyasının son mövsümünün yekununda “Roma” 63 xal toplayaraq 6-cı yeri tutub.
