Norveçdə “gözlənilməz vəziyyətlərə hazırlıq” üçün taxıl yığılacaq

Norveç hökuməti “gözlənilməz vəziyyətlərə hazır olmaq” üçün 30 min ton taxıl ehtiyatının yaradılmasına yol açan sazişi imzalayıb. Ölkədəki taxıl anbarları 2003-cü ildə “artıq lazım olmadığı” əsası ilə bağlanıb.
Norveç gözlənilməz vəziyyətlərə görə hərəkətə keçdi.
Elchi.az xəbər verir ki, Norveç Xarici İşlər Nazirliyindən verilən açıqlamada, Norveçin Kənd Təsərrüfatı və Qida Naziri Geir Pollestad və 4 özəl şirkətin imzaladığı müqaviləyə əsasən, Norveçin 30 min ton taxıl ehtiyatı saxlayacağı bildirilib.
Bildirilib ki, sözügedən taxıl şirkətlərin müəssisələrində saxlanılacaq, lakin Norveç hökumətinə məxsus olacaq.
Açıqlamada sözügedən qərarın “gözlənilməz vəziyyətlərə hazır olmaq” üçün verildiyi bildirilib.
Norveçdə NRK radio yayımına danışan Pollestad 2029-cu ilə qədər ehtiyatların artırılması üçün müxtəlif səhm müqavilələrinin imzalanacağını qeyd edib.
Norveçdə taxıl anbarları 2003-cü ildə “artıq lazım olmadığı” səbəbi ilə bağlanıb.Şayəstə Hüseynova