ABŞ-ın Texas ştatında yaşayan Kerri Maks Kuk 1977-ci ildə 21 yaşında ikən Linda Co Edvardsı qətlə yetirdiyinə görə edam cəzasına məhkum edilib. İttihamları heç vaxt qəbul etməyən Kuk 1978-ci ildə keçirilən ilk məhkəmə prosesində ölümə məhkum edilib.
News24.az xəbər verir ki, ikinci məhkəmə prosesi 1992-ci ildə baş verib, birinci qərar baş şahidin böhtan atdığını etiraf etməsindən sonra apellyasiya şikayəti əsasında ləğv edilib. Yenidən təqsirli bilinən şəxsə hökm verilməyib.
1994-cü ildə üçüncü məhkəmə prosesində Kuk ölüm hökmünə məhkum edilib.
1996-cı ildə edilən DNT testinin nəticələri həmişə günahsız olduğunu söyləyən adamı doğruldub. Edvardsın alt paltarından götürülən DNT izləri Kuka uyğun gəlmir. DNT Edvardsın o vaxt evli olan sevgilisi Ceyms Meyfildlə uyğunlaşıb.
1999-cu ildə dördüncü məhkəmə prosesindən əvvəl ştat Kuka qətlə görə ittiham sövdələşməsini təklif edib. O, 20 il müddətinə azadlıqdan məhrum edilib və çəkdiyi müddətə görə azadlığa buraxılıb.
Həbsdə olduğu müddətdə başqa məhbuslar tərəfindən bıçaqlanan və cinsi təcavüzə məruz qalan 68 yaşlı kişi özünü ölüm hökmü əleyhinə fəal olmağa həsr edib. Kuk 1973-cü ildən bəri ABŞ-da səhv mühakimə olunaraq ölümə məhkum edilən 199-cu şəxs olub.
Günel Məlikzadə
