Türkiyə tezliklə Maliyyə Fəaliyyəti üzrə iş Qrupunun (Financial Action Task Force - FATF) "boz siyahı"sından çıxarıla bilər.
Publika.az xəbər verir ki, bu barədə "Hürriyyət" qəzeti məlumat yayıb.
Nəşrin məlumatına görə, Türkiyə Maliyyə Nazirliyinin rəhbəri Mehmet Şimşək FATF-ın 26-28 iyun tarixlərində Sinqapurda keçiriləcək toplantısında iştirak edəcək və orada təşkilatın Türkiyə ilə bağlı hesabatı müzakirə olunacaq.
“Mayın əvvəlində FATF müfəttişləri Türkiyədə qapalı yoxlamalar aparıblar. Onların nəticələrinə əsasən, Türkiyənin çirkli pulların yuyulmasına qarşı mübarizədə əldə etdiyi əhəmiyyətli irəliləyişləri qeyd edən hesabat hazırlanıb. İyunun 26-28-də keçiriləcək toplantıda bu ab-hava davam edərsə, o zaman bizim "boz siyahı"dan çıxmağımız çox yaxın gələcəyin məsələsidir”, - “Hürriyet” yazır.
FATF rəhbəri Raca Kumar fevral ayında bildirib ki, Türkiyənin "boz siyahı"dan çıxarılıb-çıxarılmaması ilə bağlı yekun qərar yerində nəzərdən keçiriləcək. 2019-cu ildə aparılan auditdən sonra FATF Türkiyənin çirkli pulların yuyulması və terrorizmin maliyyələşdirilməsi ilə mübarizə tədbirlərində əhəmiyyətli çatışmazlıqlar olduğunu müəyyən edib və buna görə də nöqsanları düzəltmək üçün ona vaxt vermək qərarına gəlib. 2021-ci ildə təşkilat yenidən yoxlama apardı, lakin beynəlxalq maliyyə sisteminin bütövlüyünü təhdid edə biləcək çatışmazlıqları yenidən aşkar etdi. Eyni zamanda, FATF Türkiyəni "boz siyahı"ya əlavə edib ki, bu da təşkilat tərəfindən gücləndirilmiş monitorinq tələb edir.
