İraq Daxili İşlər Nazirliyi Türkiyənin sərhədlərinin təhlükəsizliyini daha yaxşı təmin etmək üçün iki mərhələli tarixi plan və üsulları tətbiq edəcəyini açıqlayıb.
Turkustan.az xəbər verir ki, Prezident Rəcəb Tayyib Ərdoğanın 12 ildən sonra İraqa səfərindən sonra İraq və Türkiyənin Yaxın Şərqdəki balansları dəyişmək üçün atdığı addımlar rəsmiləşir. İraq Daxili İşlər Nazirliyi bölgədə təhlükəsizlik tədbirlərinin yenidən qurulması qərarını rəsmən açıqlayıb.
İraqın rəsmi xəbər agentliyi olan İNA-ya verdiyi açıqlamada İraq Daxili İşlər Nazirliyinin Sərhəd Qüvvələri komandanı Məhəmməd əs-Sidi, vəziyyəti yaxşılaşdırmaq üçün Türkiyə ilə 2, İranla isə 6 mərhələdən ibarət bir plan və üsul təyin etdiklərini söylədi. İraqın Türkiyə və İranla sərhədlərinin təhlükəsizliyini ifadə edib.
İraqın 6 ölkə ilə sərhədi olduğunu xatırladan Siedi, İran və Türkiyə ilə sərhədlərinin təhlükəsizliyinə xüsusi önəm verdiklərini bildirib.
Ən uzun sərhədin İranla 1493 kilometr olduğunu bildirən Siedi, İran sərhədindəki Xanaqin rayonu ilə Pencevin qəsəbəsi arasındakı 300 kilometrlik məsafənin təhlükəsizliyini ən yaxşı şəkildə təmin etməyə başladıqlarını qeyd edib.
1980-ci illərdən bəri bu bölgədə qadağan olunmuş silahlı ünsürlərin (PKK) olduğunu bildirən Siedi, bu silahlı ünsürlərin nəzarətində olan ərazini zəiflətmək üçün çalışdıqlarını bildirib.
Siedi Türkiyə ilə 362 kilometr çətin, dağlıq və sərt sərhədin olduğunu və ilin təxminən yarısının qarla örtüldüyünü bildirib.
Tarix boyu İraq və Türkiyə arasında sərhəd məntəqələrinin olmamasının bölgədə bəzi qeyri-qanuni silahlı qruplaşmaların olmasına səbəb olduğuna diqqət çəkən Siedi sözlərini belə davam etdirdi:
"Biz Türkiyə ilə iki mərhələli işə başlamışıq. Birincisi, sərhədin təhlükəsizliyini təmin etmək üçün iki tərəf arasında ortaq koordinasiya mərkəzi yaradılacaq. İkincisi, iki ölkə arasında sərhəd zastavaları tikiləcək".
Duhok və Ərbil şəhərlərinin Türkiyə ilə sərhəd xəttlərində təxminən 27 sərhəd dirəyi tikilməsi üçün göstəriş verildiyini izah edən Siedi, bu inkişafın iki ölkə üçün çox əhəmiyyətli olduğunu söylədi.
Siedi İraq sərhədində Türkiyə üçün təhlükə yaradan elementlərin olmaması üçün ciddi səy göstərdiklərini vurğulayıb.
Eltac Zülfüqaroğlu/Turkustan.az
