Məşhur "WhatsApp" ani messenceri istifadəçilərə yüksək dəqiqlikdə (HD) avtomatik olaraq foto və video göndərməyə imkan verən yeni funksiya əldə edib. Hazırda bu yeniləmə yalnız iOS əməliyyat sistemi ilə işləyən smartfon istifadəçiləri üçün əlçatandır.
QHT.az xəbər verir ki, bu funksiyanı aktivləşdirmək üçün WhatsApp-ın sınaq versiyasını AppStore-dan 23.24.73 quruluş nömrəsi ilə endirin. Quraşdırıldıqdan sonra proqramı açın, proqram parametrlərinə keçin və Yaddaş və Məlumat seçin. Media Yükləmə Keyfiyyəti bölməsində siz həm videolar, həm də şəkillər üçün standart HD keyfiyyətini aktivləşdirə bilərsiniz. Yeniləmə, həmçinin əvvəlki 30 saniyəlik limiti əhəmiyyətli dərəcədə artıraraq, bir dəqiqəyə qədər video statusları yazmaq imkanı təqdim etdi.
Qeyd edək ki, WhatsApp hazırda dünyada ən populyar mesajlaşma proqramı hesab olunur: onun dünya üzrə 2 milyarddan çox istifadəçisi var.
Pərvanə Fərhadqızı
