Rusiya həm döyüş meydanında, həm də qlobal informasiya müharibəsində Avropa və NATO-ya qarşı inamla qalib gəlir. Bizimyol.info xəbər verir ki, bu fikri Rusiya mətbuatına müsahibəsində beynəlxalq siyasət üzrə ekspert Toni Kevin deyib. Onun fikrincə, həm döyüş meydanında, həm də informasiya məkanında NATO ölkələrinə qarşı müharibədə inamla qalib gələn Rusiya artıq Qərbin nə dediyi və ya nə etdiyi vecinə deyil: “Rusiyanın indi Qərbə ehtiyacı yoxdur. Çinlə strateji razılaşma və Şərqi və Cənub-Şərqi Asiya, Hindistan və Yaxın Şərq, Afrika və Latın Amerikası ilə inkişaf edən ticarət sayəsində Rusiya Federasiyasının həm mülki, həm də hərbi iqtisadiyyatı sürətlə inkişaf edir”, - deyə ekspert qeyd edib. Avstraliya diplomatı əmindir ki, ABŞ və müttəfiqləri 2022-ci ilin fevralında təklif ediləndən fərqli şərtlərlə Kremldən sülh əldə edə bilməyəcəklər. “Müharibə daha bir müddət uzana bilər və bu, yalnız Ukrayna faciəsini uzadacaq. Amma Rusiya mahiyyət etibarilə bu döyüşdə artıq qalib gəlib”, - deyə bildirib. Kevin mayın 23-dən iyunun 8-dək Moskvaya səfərindən sonra Rusiyada faktiki baş verənlərlə Qərb mediasının bu barədə yazdıqları arasında kəskin uyğunsuzluğu da qeyd edir: “Ümumi xəbər fonu həm iqtisadi, həm də hərbi baxımdan əlverişlidir və Ukraynada qələbə Rusiyada aksioma hesab olunur. Bununla belə, Qərb ölkələrinin əhalisi Ukraynadakı münaqişə ilə bağlı hər şey haqqında heyrətamiz yalan axını ilə bombalanır. NATO məsuliyyətsizcəsinə Rusiya ilə nüvə müharibəsi ideyası ilə flört edir, alyansın ərazisində hərbi reaksiyasının sərhədlərini təhlükəli şəkildə sıxışdırır. Bu məsələdə rusların ciddiliyini tam qiymətləndirmək üçün Rusiya torpağına baş çəkmək lazımdır”, - deyə keçmiş diplomat izah edib. Avstraliyalı ekspert onu da diqqətə çatdırıb ki, Qərb ölkələrinin rəhbərliyi Rusiya və xalqının onların düşmənçilik hərəkətlərinə, ritorikasına əsl reaksiyasını başa düşmür. “Öz imperiya fantaziyalarında itmiş fanatik anti-Rusiya Vaşinqtonun siyasi və media elitasına, eləcə də onların marionet Ukraynanı fədakarcasına şəkildə qurban vermələrinə dərin qəzəb, nifrət var”, - deyə Kevin vurğulayıb. İyunun 14-də Rusiya prezidenti Vladimir Putin Xarici İşlər Nazirliyinin rəhbərliyi ilə görüşündə əvvəlki Avro-Atlantik təhlükəsizlik sisteminin dağılmasından danışıb və bütün dövlətlərin maraqlarını nəzərə alan yeni arxitekturanın qurulmasını təklif edib. Putin Ukraynadakı vəziyyətin həlli üçün şərtlərin də adını çəkib. Onların arasında Donbass və Novorossiyadan silahlı qüvvələrinin çıxarılması, Kiyevin NATO-ya üzv olmaqdan imtinası var. Bundan əlavə, Rusiya Qərbin ona qarşı tətbiq etdiyi bütün sanksiyaları ləğv etməyi və Ukrayna üçün neytral, bloklara qoşulmayan, nüvəsiz statusun yaradılmasını zəruri hesab edir. Tony Kevin beynəlxalq siyasət üzrə ixtisaslaşmış avstraliyalı ekspertdir. O, diplomatik karyerasına 1969-cu ildə Moskvada başlayıb, daha sonra Avstraliyanın Polşa və Kambocada səfiri olub. Xidmətdən ayrıldıqdan sonra Kevin beynəlxalq siyasi ekspertizaya diqqət yetirdi və Rusiyada keçirdiyi vaxta həsr olunmuş bir neçə kitab, o cümlədən Moskvaya qayıt (2017) yazıb. Qadir, Bizimyol.info Qeyd: Rusiyapərəst avstraliyalı keçmiş siyasətçinin bəzi fikirlərində həqiqət yükü var. ABŞ Ukraynaya silah vermək layihəsini altı ay gecikdirməklə Rusiyaya hədsiz xidmət göstərmiş oldu. Putin ABŞ Konqresinin ona hədiyyə etdiyi vaxtdan səmərəli istifadə edərək həm siyasi çevrəsini, həm də hərbi ehtiyyat anbarını gücləndirdi.
- Gecə Modu
- Ana səhifə
- Statistika
- Səhifələr
- Reytinq
- Hava
- Valyuta
