Güclü leysan yağışları nəticəsində Cağacıq çayına güclü sel gəlib.
Referans.az APA-ya istinadən xəbər verir ki, Cağacıq çayı Quba rayonunun Rustov kəndi ərazisində məcrasından çıxıb. Nəticədə çayın üzərindəki körpülərdən birinə, Rustov kəndindəki fərdi yaşayış evlərinə və təsərrüfatlara ziyan dəyib.
Qeyd edək ki, hazırda Quba rayonunun yüksək dağlıq ərazilərində leysan müşahidə edilir.
