21 yaşlı anadan dəhşətli əməl: Yeni doğulmuş körpəsini diri-diri...

 Rusiyanın Xabarovsk vilayətinin Pivan kəndində 21 yaşlı qız yeni doğulmuş körpəsini diri-diri basdırıb.

Bu barədə “Amur Mash Telegram” kanalı məlumat yayıb.

Nəşrin bildirdiyinə görə, rusiyalı qadın 14 yaşından bəri valideynləri ilə yaşamır. O, mütəmadi spirtli içki qəbul edir. İki il əvvəl isə evli kişidən bir qız uşağı dünyaya gətirib, lakin yenə də pis vərdişlərindən əl çəkməyib.

21 yaşlı qız övladından imtina etməyə çalışsa da, buna nail ola bilməyib. O, bu yaxınlarda valideynlərinin evinə köçüb və orada özünə iş tapıb.

Daha sonra o, Pivan kəndində növbəti övladını dünyaya gətirib və doğum zamanı anası ona yardım edib. Ancaq o, yeni doğulmuş körpəsini diri-diri basdırıb.

Daha əvvəl bildirilmişdi ki, Arxangelskdə 15 yaşlı məktəbli Moskovski prospektindəki “Maxi” ticarət mərkəzinin tualetində uşaq dünyaya gətirib və körpəni meşəyə atıb./ Publika.az