Türkiyə Prezidenti Rəcəb Tayyib Ərdoğan Ermənistanın Baş naziri Nikol Paşinyanla telefon danışığı aparıb.
Bu barədə Türkiyə Prezident Administrasiyasının İctimaiyyətlə Əlaqələr Departamenti məlumat yayıb.
Məlumatda qeyd edilib ki, Paşinyan Ərdoğanı Qurban bayramı münasibətilə təbrik edib. Ərdoğan da öz növbəsində Paşinyanı qarşıdan gələn İsa Məsihin Vardavar-Dönüşmə günü münasibəti ilə təbrik edib.
Bundan əlavə, Ərdoğan Ermənistanın şimal rayonlarında baş vermiş sel fəlakəti ilə bağlı Paşinyana başsağlığı verib. Telefon danışığı zamanı hər iki lider Türkiyə ilə Ermənistan arasında ilkin şərt olmadan münasibətlərin tam şəkildə normallaşdırılması üçün siyasi iradələrini vurğulayıblar.
Bəs Azərbaycandan öncə Türkiyə və Ermənistan yaxınlaşması, normallaşması nə qədər mümkündür? Bakı sakinlərinin bu məsələyə mövqeyi necədir?
TV Musavat bu sualla paytaxt sakinlərinə müraciət edib, onların rəyini öyrənib.
Hazırıadığımız videosorğunu təqdim edirik:
Xalidə Gəray
Rafət Şahbazov
Musavat.com
