İsrail Silahlı Qüvvələri Suriyanın cənub-qərbindəki Quneytra və Dəra əyalətlərində iki hərbi obyektə pilotsuz uçuş aparatları (PUA) vasitəsilə hücum edib. AFN.az xəbər verir ki, bu barədə SANA agentliyi Ərəb Respublikasının təhlükəsizlik güclərindəki mənbəyə istinadən məlumat yayıb. Agentliyin həmsöhbətinin sözlərinə görə, hücum yerli vaxtla təxminən 07:00-da törədilib. Hücum nəticəsində Suriya Silahlı Qüvvələrinin bir zabiti həlak olub. Maddi ziyan da qeydə alınıb.Digər təfərrüatlar verilmir.
