Osaka Universitetindən olan yapon alimləri müəyyən ediblər ki, bəzi balıq növləri balalarını istədikləri şəkildə davranmağa məcbur etmək üçün onları fiziki cəzalandırmaya əl atırlar.
Araşdırma Animal Behavior elmi jurnalında dərc olunub.
Komanda ciklet ailəsinə aid olan Neolamprologus savoryi növünün balıqlarının vərdişlərini öyrənib.
Müşahidələrin göstərdiyi kimi, yetkin ciklet ərazinin birgə müdafiəsində fəal olmayan gənc fərdlərə, o cümlədən öz nəsillərinə hücum edir.
Nəticələrə görə, yaşlı qohumlarının hücumlarından əziyyət çəkən heyvanlar davranışlarını dəyişərək daha böyük şövqlə ərazilərini patrul edirlər. Əksinə, daha çalışqan cikletlər adətən valideynlərinin təcavüzündən qaçırlar.
Tədqiqatın nəticələri vurğulayır ki, cəza yalnız insan cəmiyyətinə xas deyil, eyni zamanda digər heyvanların əməkdaşlığı təmin etmək və sosial əlaqələri saxlamaqda da mövcuddur.
Bu kəşf kooperativ davranışın təkamülü və heyvanların onu saxlamaq üçün istifadə etdiyi mexanizmlər haqqında anlayışımızdakı boşluğu aradan qaldırır. (Publika.az)
